25 හැවිරිදි ලෝක ශූර මළල ක්‍රීඩිකාව නිවසේදී සැමියාගේ පිහි පහරින් මරුට

25-year-old-world-champion-athlete-stabbed-to-death-at-home

කෙන්යානු ජාතික 25 හැවිරිදි ඇග්නස් ටිරොප් නමැති මළල ක්‍රීඩා දිගු දුර දිවීමේ ලෝක ශූරියක නිවසේ ඇතිවූ ආරවුලකදී සැමියාගේ පිහිපහරින් ඝාතනයට ලක්ව ඇතැයි රොයිටර් පුවත් වාර්තා කරයි.

මීටර 5000 හා මීටර 10000 දිගු දුර දිවීමෙහි ශූරියක වන ඇය ලෝක ශූරතා මළල ක්‍රීඩා තරගවලට ක්‍රීඩා කොට ලෝකඩ පදක්කම් දෙකක් දිනා සිටින්නියක වූ අතර අවසන්වරට මෑතකදී නිමාවට පත්වූ ටෝකියෝ ඔලිම්පික් උළෙලද නියෝජනය කර එහි මීටර 5000 අවසන් තරගයේ 4 වන ස්ථානය දිනා ඇත.

කෙන්යාවේ ජාතික සම්පතක් ලෙස ඝෞරවාදරයට ලක්ව සිටි ඇය ඇයගේ නිවස තුළදී තියුණු ආයුධයකින් පහරදී ඝාතනය වී ඇති බව කෙන්යාවේ මලල ක්‍රීඩා බලධාරීන් බදාදා නිවේදනය කර තිබේ.
‘ඉටෙන්හි පිහිටි නිවසේදී මියගොස් සිටියදී ටිරොප් හමුවිය. ඇගේ සැමියා ඇයව ඝාතනය කර තිබේ. ඇයගේ මරණය සම්බන්ධව වැඩිදුර තොරතුරු අනාවරණය කර ගැනීමට අපි තවමත් කටයුතු කරමින් සිටිමු” යනුවෙන් එම නිටෙව්දනයේ දැක්වේ.
ප්‍රාදේශීය පොලිසිය පැවසුවේ ටිරොප්ගේ සැමියා ඇයව ඝාතනය කර පළාගොස් ඇති බවයි.

පොලිසිය ටිරොප්ගේ නිවසට ගිය විට ඇය ඇඳේ ලේ විලක් මැද වැටී සිටියදී හමුව ඇති අතර සිරුර දෙස බැලූ විට ඇගේ ගෙල පෙදෙස දරුණු කැපීමකට ලක්ව ඇති බව හඳුනාගෙන ඇත.

කෙන්යාවේ ජනාධිපති උහුර් කෙන්යාටා නිවේදනයක් නිකුත් කරමින් කියා සිටියේ, කෙන්යාවේ වීරවරියක  වූ ඇග්නස් ටිරොප්, ආත්මාර්ථකාමී හා බියගුලු මිනිසකුගේ සාපරාධී ක්‍රියාවක් නිසා වේදනාකාරී ලෙස ඩීවිතය අහිමිකරගෙන ඇති බවත් ඒ ගැන කණගාටුවන බවත්ය.
(රොයිටර් පුවත් ඇසුරිනි – Gossiplankanews.com)

Leave a Reply